Wanafunzi Wa Kidato Cha Sita Waliozuiliwa Waruhusiwa Kufanya Mitihani Zanzibar

Na Ali Issa Maelezo Zanzibar
3/11/2012 Serikali ya Mapinduzi ya Zanzíbar imetoa taarifa rasmi ya kuruhusiwa kufanya mitihani ya kidato cha sita, mwezi Februari mwakani, wanafunzi wote 243 wa Zanzíbar waliopewa barua za kusimamishwa kufanya mitihani hiyo kwa kukosa sifa za kuwa na alama tano. Taarifa hiyo imetolewa leo na Waziri wa Elimu na Mafunzo ya Amali Zanzíbar, Ali Juma Shamhuna huko Ofisini kwake Mazizini mjini wakati alipokutana na wandishi wa habari. Waziri Shamhuna amesema maamuzi hayo yamefikiwa baada ya mazungumzo yake na Waziri wa Elimu na Mafunzo ya Ufundi wa Tanzania Bara Dk. Shukuru Kawambwa yaliyofanyika tarehe 30 Mwezi uliopita mjini Dar es salaam.
Ameseama kutokana na maamuzi hayo wanafunzi wote waliosajiliwa kufanya mitihani watafanya mitihani yao baada yamarekebisho ya kasora zilizojitokeza ambazo zilisababishwa na baadhi ya watendaji kutoka Wizara ya Elimu Bara kujichukulia mamlaka bila kuijulisha serikali ya Zanzíbar.
“Masula ya Elimu ya juu ni masuala ya Muungano, hivyo maamuzi yake yanapaswa kuwa ya pamaja kwa kushirikisha vyombo husika ambavyo vipo kwa mujibu wa taratibu na sheria kuwatumikia wananchi wa pande zote mbili za Tazania.
Na si vyenginevyo”. alisema Shamuhuna. Alisema maamuzi ya awali ya kuwasimamisha wanafunzi waliokuwa hawana alama tano, yalitolewa bila ya kuwepo kikao halali cha Baraza la Mitihani Tanzania NECTA na lililofanyika ni kuwaandikia barua walimu wakuu wa skuli za Zanzibar jambo ambalo halikupaswa kutekelezwa kwani vipo vyombo vimewekwa kisheria na taratibu za kufuatwa. “Wizara ya Elimu na Mafunzo ya Ufundi ya Tanzania Bara mweziwe ni Wizara ya Elimu na Mafunzo ya Amali ya Zanzbar, ilitakiwa Katibu Mkuu Bara amuandikie barua rasmi Katibu Mkuu wa Zanzibar kumueleza juu ya mabadiliko yaliyofanyika na sio kuandikiwa walimu wakuu wa skuli juu ya mabadiliko hayo”.alisema Shamuhuna Waziri Shamhuna alisema Wizara ya Elimu na Mafunzo ya Amali Zanzibar inawajumbe wanne katika Baraza la mitihani la Tanzania ambao wao hawajui kupitishwa kwa maamuzi hayo ispokuwa walikua wakifuata agizo la Serikali ya Mungano.
Aliwataja wajumbe hao kuwa ni Kamishina Baraza la mitihani, Mkurugenzi elimu ya juu, Mkurugenzi wa Taasisi na lugha za kigeni na mjumbe mwengine kutoka Chuo Kikikuu cha Taifa Zanzíbar (SUZA).
Waziri Shamhuna alisema pamoja na kasoro hiyo iliyojitokeza bila kutegemewa, Wizara hizo mbili za Elimu za Tanzania Bara na Zanzíbar kwa muda mrefu zimekuwa zikifanya kazi kwa mashirikino makubwa na kuleta ufanisi wa hali ya juu.
IMETOLEWA NA IDARA HABARI MAELEZO ZANZIBAR

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s