Hakuna Katiba bila UKAWA


 

kingunge c2ea5

Na Hudugu Ng’amilo

MWANASIASA mkongwe na Mjumbe wa Bunge Maalumu la Katiba, Kingunge Ngombale – Mwiru, amesema makada wenzake wanaomshambulia aliyekuwa Mwenyekiti wa Tume ya Mabadiliko ya Katiba, Jaji Joseph Warioba, wanakitukana Chama Cha Mapinduzi (CCM).

Alisema kumtukana au kumshambulia Jaji Warioba, au wajumbe wengine wa tume hiyo ni sawa na kukitukana Chama Cha Mapinduzi (CCM) kinachoongoza serikali.

Kingunge alitoa kauli hiyo jana bungeni alipokuwa akichangia sura ya kwanza na ya sita ya rasimu ya Katiba, ambapo alisema wanaomshambulia Jaji Warioba wanaonyesha utovu wa adabu, kwa kuwa chama kina maadili na adabu katika kushughulikia masuala mbalimbali.

“Mimi sitakubali hata kidogo wajumbe watumie msimamo wa chama kumshambulia Warioba au wajumbe wengine wa iliyokuwa Tume ya Mabadiliko ya Katiba, si halali kumshambulia Warioba au mjumbe yeyote yule binafsi.

“Mimi ni Mwana CCM niliyeondoka madarakani siku nyingi lakini naamini kuwa kumtukana mwenzetu ni sawa na kukitukana chama na sisi tuliopo hapa, wanaomshambulia Warioba wanakosea sana, hapa tuna rasimu ya Katiba ambayo ina mawazo tu, hakuna watu ndani ya rasimu hiyo, hatupaswi kukiuka maadili kwa kuwatukana au kuwakashifu watu,” alisema.

Alisema kilichomo ndani ya rasimu ya Katiba si uamuzi wa mwisho, hivyo wajumbe hawana sababu ya kumsema, kumtukana au kumkejeli mtu yeyote aliyekuwa kwenye Tume ya Mabadiliko ya Katiba.

Kingunge pia alitumia fursa hiyo kukemea lugha za matusi, vijembe na kejeli zilizokuwa zikitolewa na baadhi ya wajumbe kwenye mijadala mbalimbali.

“Hatuwezi kukaa hapa ndani kwa kudhalilishana, wale waliokuwa wakitumia lugha hizo walikuwa wanatudhalilisha wote. Wengine walitumia lugha hizo kwa waasisi wetu…Unyenyekevu ni sura moja ya msomi ambaye ametumia fedha za Watanzania kupata elimu yake,” alisema.

Alisema wajumbe wamekwenda bungeni kuwatafutia wananchi wenzeo Katiba mpya, iliyo bora na lazima izingatie miaka 50 ya muungano ambao umekuwa na mafanikio makubwa.

“Katiba bora lazima iimarishe yale mafanikio tuliyoyapata katika kipindi hicho ikiwemo muungano, umoja wa kitaifa, mshikamano, udugu na kuunda mazingira ya amani na utulivu, kama haiimarishi, haifai hata kidogo. Haya mafanikio yote yametokana na muundo wa serikali mbili ulioasisiwa na wazee wetu,” alisema.

Hakuna Katiba bila UKAWA

Kingunge alisema kuwa ili Tanzania ipate Katiba mpya iliyo bora, lazima kuwepo maelewano ya kuwashirikisha wajumbe wa Bunge hilo wanaounda Umoja wa Katiba ya Wananchi (UKAWA).

Alisema kitendo cha wajumbe wa UKAWA kususia vikao vya Bunge, kinaonyesha upungufu mkubwa walionao lakini Katiba mpya haitaweza kupatikana bila ya wao.

Kingunge aliwaomba wajumbe wa UKAWA warejee bungeni kushiriki kikamilifu katika mchakato wa kuandaa Katiba ya wananchi.

Alisema hata UKAWA wakirejea bungeni ni vema wajumbe wakatambua kuwa kupatikana kwa Katiba mpya kunahitaji maridhiano ya pande hizo mbili.

“Hatuwezi kupata theluthi mbili ya kura hasa kwa wajumbe wa kutoka Zanzibar watakaohalalisha maamuzi yetu bila kushirikiana na wenzetu, lazima tuzungumze, theluthi mbili ni takwa la kisheria, hatuwezi kulikwepa,” alisema.

Kingunge alisema kwa muda mrefu Zanzibar kulikuwa na mfarakano mkubwa kati ya CCM na CUF lakini yalifanyika mazungumzo yaliyodumu kwa takriban miaka 13.

“Tumezungumza kwa muda mrefu tangu 1998 lakini hatimaye tulibuni suala la kugawana madaraka…katika hali ya Zanzibar tulisema haiwezekani lazima tukubaliane, sasa Zanzibar imetulia. Ni kutokana na mazungumzo hayo.

“Suala la Katiba mpya si utani ni lazima tukubali tuzungumze mpaka tuelewane….humu ndani sisi wajumbe tuzungumze lakini na wakubwa huko nje nao ni lazima wazungumze,” alisema.

UKAWA waliteka Bunge

Katika hatua nyingine, Waziri Mkuu, Mizengo Pinda na Makamu wa Pili wa Serikali ya Mapinduzi Zanzibar, Balozi Seif Alli Idd, wamewataka wajumbe wa UKAWA wabatilishe uamuzi wa kususia vikao vya Bunge Maalumu.

Kauli hizo walizitoa jana walipokuwa wakichangia sura ya kwanza na ya sita za rasimu ya Katiba, ambapo walisema Katiba inayotungwa ni ya Watanzania wote, hivyo ni vema UKAWA wakarejea bungeni.

Balozi Iddi alisema taifa limetumia fedha nyingi kugharimia ujenzi wa Bunge Maalumu pamoja na kuwagharimia posho wajumbe wake ambapo mpaka jana lilitumia zaidi ya sh bilioni 20, hivyo si busara kwa UKAWA kususia vikao.

Alisema UKAWA ni sehemu muhimu katika utungaji wa Katiba na wajumbe wake wametumwa na wananchi ambao wanataka matatizo yao yawekewe utaratibu wa kushughulikiwa kwenye Katiba.

Alisema kutokana na umuhimu wa kutunga Katiba, Rais Jakaya Kikwete, amekubali kuliongezea muda wa siku 60 zaidi Bunge hilo ambalo jana limeahirishwa hadi Agosti 5, mwaka huu.

Alisema kuongezewa siku huko kumetokana na kutokamilisha kazi yake kwa siku 70 zilizopangwa awali ambazo zimemalizika jana hivyo UKAWA wanapaswa kutambua unyeti wa vikao vya bunge na umuhimu wao.

“Pamoja na serikali kutumia fedha nyingi kutengeneza ukumbi na kulipana posho UKAWA wameamua kususia vikao vya Bunge. Nawasihi warudi tuendelee na kazi hii tuliyopewa na wananchi. Katiba haitungwi barabarani au kwenye mikutano ya hadhara bali bungeni.

“Nawasihi warejee bungeni tuifanye kazi hii tuliyotumwa na wananchi, tumetumia fedha nyingi na tutaendelea kutumia, kila mmoja wetu analipwa sh 300,000 kwa siku na serikali inatumia sh milioni 188 kwa siku kulipa posho.”

Naye Waziri Mkuu, Mizengo Pinda, alisema anaamini katika umoja, hivyo kukosekana kwa wajumbe wa UKAWA ndani ya Bunge kumemsikitisha lakini ataendeleza jitihada za mazungumzo nao.

Pinda ametoa rai hiyo wakati ni takriban wiki moja imepita tangu alipokaririwa akitamba kuwa wanawafuata UKAWA huko huko kwa wananchi kwenda kusema ukweli.

Pinda aliwasihi wajumbe wa UKAWA warejee bungeni huku akiwasihi wajumbe wengine wajiepushe na lugha za kejeli na vijembe ambazo alidai zimechangia mijadala kuwa katika mazingira magumu.

‘Mimi kila siku huwa nasema kuwa yaliyopita si ndwele…tugange yajayo, naomba wenzetu UKAWA warejee bungeni, Katiba mpya inahitaji ushirikiano wetu sote,” alisema.

Pinda pia alisema Tume ya Jaji Warioba imefanya kazi nzuri kwa kuwa yapo mambo mengi ambayo hayamo kwenye Katiba ya sasa lakini yameorodhoshwa kwenye Rasimu ya Katiba.

Alibainisha kuwa anapingana na rasimu hiyo katika eneo moja la muundo wa serikali tatu kwa kuwa anaamini ni mzigo mkubwa kwa taifa na litachangia kuvunja muungano.

Alisema kuwa wanaosema kuwa kutofuata mapendekezo ya tume ya Warioba kwa kuwa imetumia fedha nyingi, wanakosea kwani wajumbe wa Bunge Maalumu wamepewa fursa ya kuondoa, kuboresha na kuingiza mawazo wanayoona yanafaa kuwemo kwenye Katiba mpya.

Naye Mwenyekiti wa Bunge Maalumu, Samuel Sitta, alisema kiti chake kiliamua kuwaacha wajumbe wajadili kwa uhuru zaidi na wananchi waamue kipi kinafaa.

‘Huko mitaani tunalaumiwa kwa kuwaachia wajumbe, sisi tulifanya hivyo pasipo kutumia nguvu, kanuni au askari ili wananchi wajue tabia za wajumbe wao na kuamua, tungebanana sana najua lazima tungepigana na kutoana ngeu,” alisema:chanzo Tanzania Daima.

 
Advertisements

Lukuvi aishukia Ukawa


 

Waziri wa Nchi Ofisi ya Waziri Mkuu (Sera, Uratibu na Bunge), William Lukuvi amewashukia wajumbe wa Kundi la Umoja wa Katiba ya Wananchi (Ukawa), waliogomea kuendelea na mchakato wa kutengeneza Katiba, akisema wanapanga kuivuruga nchi.

Lukuvi alikwenda bungeni mjini Dodoma kwa kazi maalumu ya kutoa ufafanuzi kuhusu kauli yake aliyoitoa kwenye Kanisa la Methodist kwamba hoja ya serikali tatu ikipita inaweza kulifanya jeshi kuchukua madaraka, ambayo imeibua hisia kali kutoka kwa wana Ukawa.

Akizungumza bila kuwapo wanachama wa Ukawa waliosusia Bunge kuanzia juzi, Lukuvi alikishutumu Chama cha Wananchi (CUF), kwamba kimekuwa kikijiita ni chama cha siasa wakati ni kundi la Uamsho ambalo linasumbua Zanzibar.(P.T)

Alisema kauli za Ukawa kwamba Rais Jakaya Kikwete atapelekwa katika Mahakama ya Kimataifa ya Uhalifu The Hague, Uholanzi haiwezi kutokea badala yake watakwenda wao katika mahakama hiyo kwa kujihusisha na Uamsho.

Alisema ameamua kusema kile alichokichangia katika kanisa hilo wakati wa kusimikwa kwa Askofu Joseph Bundala kwa kuwa hana tabia ya unafiki na alitaka maneno hayo yarekodiwe kwenye kumbukumbu za Bunge.

“Nayasema yote haya kwa kuwa naamini huo ndiyo msimamo wangu na utakuwa msimamo ambao wakati wote utaendelea kuwa hivyo na ninawataka ndugu zangu kuacha unafiki,” alisema.

Alikanusha madai kwamba ni mchokozi badala yake akarusha tuhuma hizo kwa Makamu wa Kwanza wa Rais wa Zanzibar, Maalim Seif Shariff Hamad.

Alinukuu hotuba ya kiongozi huyo wa chama kikuu cha upinzani Zanzibar aliyoitoa mwezi uliopita katika Uwanja wa Kibandamaiti Zanzibar kwamba imekuwa ikipotosha hotuba ya Rais Kiwete kwa sehemu kubwa kuhusu mchakato mzima wa Katiba.

Lukuvi pia aliituhumu Ukawa kwamba imepanga kuigawa Tanzania katika vipande, kwamba Zanzibar itatawaliwa na CUF, Tanzania Bara na Chadema halafu CCM ipewe urais wa Muungano.

“Kutokana na hilo, nani ambaye hatakuwa na wasiwasi juu ya haya mambo? Nataka niwahakikishieni katika Katiba hii hakuna chombo chochote wala mtu yeyote atakayenizuia kusema ninachokiamini ilimradi nasema ukweli na ninayoyaamini,” alisema.

Alisema kama maneno yake yamewachukiza zaidi wapinzani, basi waendelee kugoma zaidi alichofanya kilikuwa kwenda kusimamia masilahi ya serikali mbili zenye masilahi kwa wananchi.

Lukuvi alisema wakati wote wananchi hawataki serikali tatu, bali wanataka maendeleo ikiwamo maji, barabara na vitu vingine lakini vyote viwe kwa kupitishwa kwa serikali mbili.

Ampongeza Mrema

Waziri huyo alitumia nafasi hiyo kumpongeza Mbunge wa Vunjo na Mwenyekiti wa Taifa wa Tanzania Labour Party (TLP), Augustino Mrema kuhusu mchango wake bungeni juzi ambao uliunga mkono muundo wa serikali mbili.

Lukuvi ambaye jana alimtaja Mrema kwa cheo cha Naibu Waziri Mkuu alichowahi kushika katika Serikali ya Awamu ya Pili, alisema mwanasiasa huyo ndiye mpinzani wa kweli ambaye anastahili kupongezwa na kila mtu kwenye Bunge hilo kwa kuwa anachokizungumza ni ukweli mtupu.

“Kutokana na hilo mheshimiwa Mrema, nakuhakikishia kuwa sasa masilahi yako nitayafukuzia kwa sababu umeongea mambo ya maana sana,” alisema Lukuvi.

Kwa muda mrefu Mrema amekuwa akifuatilia serikalini kile anachokiita ni mafao na stahiki zake katika kazi ya Unaibu Waziri Mkuu aliyoifanya wakati wa utawala wa Rais Mwinyi licha ya kwamba nafasi hiyo haikuwamo kwenye katiba.

Akizungumza katika mkutano wa Ukawa jana, Mwenyekiti Mwenza, Profesa Ibrahimu Lipumba alisema wanafanya taratibu za kumchukulia hatua za kisheria Lukuvi kwa matamko aliyoyatoa.

“Alipaswa kusema kama kweli aliyazungumza maneno yale au la na tungekuwa na uongozi unaowajibika baada ya kuyasema yale (kanisani), Rais angemwita na kumtaka ayathibitishe,” alisema.

Alisema Uamsho ni taasisi ambayo imeandikishwa kisheria na Serikali ya Zanzibar na kuongeza kuwa wakati inaandikishwa, Chama cha CUF hakikuwa madarakani.

“Serikali ya Umoja wa Kitaifa ilikuwa haijaanza Zanzibar, iliyouandikisha Uamsho ilikuwa Serikali ya CCM Zanzibar, sasa hawaulizi kwa nini waliiandikisha?” alihoji Profesa Lipumba.

Alisema Uamsho wamekuwa wakimshambulia hata Makamu wa Kwanza wa Rais Zanzibar, Maalim Seif Sharif Hamad… “Huyu tutamshughulikia kisheria kwa yale matamko aliyoyatoa,” alisema Profesa Lipumba.

 

E-mail (required, but will not display)

 

Muungano Day Celebration – 50 Years April 1964 – April 2014



On Saturday, April 26, 2014, Tanzania will celebrate Muungano (Union) Day. It is a public holiday in Tanzania, commemorating the day Zanzibar and Tanganyika joined together to form The United Republic of Tanzania.

After The United Republic of Tanzania was formed in 1964, the late Mwalimu Julius Kambarage Nyerere became the first President of the new Republic, and the late Sheikh Abeid Karume, then the

President of Zanzibar, became the First Vice President and Chairman of the Revolutionary Council. The late Rashidi Mfaume Kawawa became the Second Vice President in charge of Government business in the National Assembly.

The history of the union of Tanganyika and Zanzibar is undoubtedly unique. These two States agreed to unite for the benefit of all Tanzanians.

INVITATION TO ALL
The Tanzanian Ambassador to the United States of America, H.E. Liberata Mulamula, invites you all to the 50th Anniversary of the United Republic of Tanzania, Muungano day 2014. The festivities will highlight Tanzanian culture and tourism. There will be cultural and art display, traditional dances, fashion display, food tasting and many more.
Saturday, April 26, 2014
09:00am – 03:00pm
Venue
Tanzania House, 1232 22nd Street, Washington, D.C. 20037
Parking: 1120 23rd St NW – accessible through 23rd street behind the Embassy.
For any Questions
Tel #202-884-1081 or 202-884-1080
Come one come all!

Dodoma to host Education Week festivities


 
By HILDA MHAGAMA 

Prime Minister Mizengo Pinda is expected to grace Education Week to be held at Msalato Secondary School in Dodoma on May 3.

 Prime Minister Mizengo Pinda
Prime Minister Mizengo Pinda

The Minister for Education and Vocational Training, Dr Shukuru Kawambwa, told a press briefing in Dar es Salaam that the event would be followed by week-long activities up to May 10 in various municipal councils and regions in the country.

He noted that the ministry, in collaboration with Prime Minister’s Office (Regional Administration and Local Government), would be organising the event for the first time, adding that the event would henceforth be commemorated every year.

“The event will involve various activities such as provision of education on the importance of every community member to participate in helping the country towards providing quality education,” said Dr Kawambwa.

He stressed that the event would be commemorated in line with the global action week on education which focuses on inclusive education for children with disabilities, which recognizes the importance of ensuring that all children have access to quality education.

 

Minister for Finance and CNN talk Investment and Entrepreneurship as Tanzania Union Celebrations Approach