Maalim Seif awaasa wagombea uongozi CUF: Msikubali kununuliwa

 

 
Na Haji Nassor, PEMBA
 
KATIBU mkuu wa Chama cha wananchi CUF Zanzibar Mhe: maalim Seif Sharif Hamad, amewataka wajumbe wa mkutano mkuu wa wilaya ya Mkoani wa chama hicho, wasikubali kununuliwa na wagombea nafasi mbali mbali, na badala yake wawachague viongozi kwa kuwaona wanafaa.
 
KATIBU mkuu wa CUF Mhe: maalim Seif Sharif Hamad, akizungumza na wajumbe wa mkutano mkuu wa wilaya ya Mkoani Pemba wa chama hicho, ambao uliambatana na uchaguzi mkuu wa wilaya, uliofanyika Jimbo la Mtambile jana (picha na Haji Nassor, Pemba)
 
Alisema ni kweli wapo baadhi ya wagombea wa nafasi zinazogombewa wamekuwa wakimwaga pesa kwa wajumbe hao, na endapo watazichukua na kisha kuwapa kura kutokana na fedha hizo, waelewa kuwa chama kitaanza kudhoofika.
 
Maalim Seif ametoa kauli hiyo jana Mtambile wilaya ya Mkoani Pemba, wakati alipokua akifungua mkutano mkuu wa wilaya, ulioambatana na uchaguzi wa kuwachagua viongozi mbali mbali akiwemo Katibu, Mwenyekiti na wajumbe wa mkutano kuu taifa CUF taifa.
 
Alisema ni vyema wajumbe hao kuwa makini na kujitenga mbali na wagombea wenye nia ya kusambaaza fedha, kwao kwa ajili ya kuwapigia kura wakijua kuwa viongozi wa aina hiyo hawana nia thabiti na chama.
 
Alieleza kuwa ni vyema kuwachagua viongozi ambao ni wapiganaji wa kweli na ambao wataweza mapambano na vyama vyengine katika uchaguzi mkuu ujao, ili kuendelea kushika hatamu wa nafasi mbali mbali ikiwa ni pamoja udiwani, uwakilishi na ubunge.
 
‘’Mimi niwanasihi sana ndugu wajumbe wa mkutano huu, ambao ndio wapiga kura wa kuwachagua viongozi, lakini muelewa kuwa mkiwachagua viongozi legeleg ndio mnakidhoofisha chama, na mkiwa makini ndio kusema CUF inaweza kushinda hata ngazi ya raisi’’,alifafanua.
 
 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s